- About Me
- Some of my Teaching
- Some of my Blogs
Esperanto
Nova Artikolo de Dasgupta pri Barato kaj Esperanto
Probal Dasgupta havas artikolon ĉe la Times of India kiu pridiskutas kiel baratanoj influis la historion de Esperanto, de la decido ĉe la Ligo de Nacioj ĝis la UEA serio "Oriento-Okcidento". Interesa kaj leginda.
Categories: Esperanto
Plano B
Riŝo has posted a doc:
Lester R. Brown, Plano B. Mobilizo por savi civilizacion. Eldona Fako Kooperativa de SAT, 2009, 344 p.Categories: Esperanto
CALICO-Prelego
Hieraŭ frumatene, mi iris al Amherst College kaj kune prelegis kun Derek Roff ĉe la jarkunveno de CALICO -- organizaĵo de instruistoj kiuj uzas komputilojn por subteni la lernadon de fremdaj lingvoj. Nia prelego priskribis la disvolviĝon kaj rezultojn de la retpaĝaro "lernu.net". Pro la frua horo kaj pro tio ke okazis samtempe 6 programeroj (el kiu du estis de fondintoj de CALICO), venis al nia prelego nur ses homoj. Sed ili vere interesiĝis pri la temo, partoprenis atente, kaj faris kelkajn trafajn demandojn. Oni registris la prelegon kaj, oni diras ke ĝi estos havebla rete iel.
Categories: Esperanto
Dua Tago de la Landa Kongreso
Dimanĉe, la kongreso daŭris kaj mi ofertis programeron "Frumatenaj Hajkoj" en kiu mi gvidis al oni kiu volas verki hajkojn. Venis tri aliaj homoj kaj ni kune verkis hajkojn dum horo. Mi legis kelkajn el miaj hajkoj kaj kelkej el la tvitera-universo.
Categories: Esperanto
Estrarkunsido 2010
En la mateno, mi serĉis restoracion por matenmanĝi sed neniuj estis malfermitaj je la 6a horo. Mi promenis iomete inter la konstruaĵoj kaj trovis belan lokon apud fonto por atendi ĝis la 7a horo ĝis malfermos la 7a horo. Dum mi atendis, aliaj venis ankaŭ por matenmanĝi.
aliaj venas
kaj tiras je la pordo...
restas ŝlosita
Categories: Esperanto
Survoje al la 2010 Landa Kongreso
En mia familio, estas jam delonge la 17a regulo de Esperanto ke, dum mi veturas al Esperanto kongreso, okazas iu krizo ĉe la hejmo. Ĉijare la krizo okazis antaŭ mi eĉ ekveturis: ŝtormego trablovis la najbarejon, forblovis kelkajn arbojn en nia ĝardeno, el kiuj du trafis la domon. Mi vekiĝis meznokte aŭdinte la hurlon de tordita ligno kaj sentante la aeron antaŭ la falanta arbo. La arboj trafis la domon ĝuste super kie mi dormis kaj branĉo eĉ truigis la ekranon en la fenestro. Granda bato skuis la tutan domon. Vergoj kaj pingloj kovris la plankon apud mia lito.
Categories: Esperanto
82a KONGRESO DE SAT: kunveno de la Sennaciisma Frakcio
Anĉjo PacHorano (Andrea Fontana) has posted a doc:
Ĵaŭdon la 23an de Julio de la 2009a, dum la 82a Kongreso de SAT (http://www.satesperanto.org), okazis la kunveno de la Sennaciisma Frakcio (http://www.satesperanto.org/-Frakcioj-.html).Mi registris ĝin, kaj akiris de la ĉeestantoj la rajtigon ĝin publikigi ĉi tie.
Jen ĝi, do. Bonan aŭskultadon!
(Sugesto: se estas iom malfacile al vi bone aŭdi iujn vortojn de la ĉeestantoj, mi konsilas al vi uzi duorelajn kapaŭdilojn...)
Aliajn informojn kaj dokumentojn pri la SAT-Kongreso vi trovos ĉe mia albumo http://www.tinyurl.com/kongreso-de-sat-2009
Anĉjo
Categories: Esperanto
82a KONGRESO DE SAT: Socia forumo pri Madagaskaro (Malagasujo/io)
Anĉjo PacHorano (Andrea Fontana) has posted a doc:
Mardon la 21an de Julio de la 2009a, dum la 82a Kongreso de SAT (http://www.satesperanto.org), okazis socia forumo pri Madagaskaro (Malagasujo/io)[pri ĉi tiu landonomo mi sekvas la plej lastajn rekomendojn de la Akademio de Esperanto http://www.akademio-de-esperanto.org/decidoj/landnomoj/listo_de_rekomendataj_landnomoj/index.html].
Kamarado Justine Ralalarisoa (Lala), madakaskarano, rapide parolis pri la Ŝengeneco (Schengen-eco) de Pollando, kaj poste ŝi pli longe priskribis al la ceestantoj la politikan situacion en Madagaskaro
Mi registris ĉi tiun socian forumon, kaj akiris de la ĉeestantoj la rajtigon ĝin publikigi ĉi tie.
Jen ĝi, do. Bonan aŭskultadon!
(Sugesto: se estas iom malfacile al vi bone aŭdi iujn demandojn de la ĉeestantoj, mi konsilas al vi uzi duorelajn kapaŭdilojn...)
Aliajn informojn kaj dokumentojn pri la SAT-Kongreso vi trovos ĉe mia albumo http://www.tinyurl.com/kongreso-de-sat-2009
Anĉjo
Categories: Esperanto
T-Ĉemizoj
Mi havis la ideon antaŭlonge fari t-ĉemizojn kun la nova grafika identigilo de nia organizaĵo, sed konstatis hodiaŭ ke nun estas la lasta minuto antaŭ la Landa Kongreso. Jen, mi enŝutis la bildon ĉe Cafepress kaj nun eblas mendi t-ĉemizojn (kaj golf-ĉemizojn!). Ankoraŭ eblas mendi kaj ricevi antaŭ la Landa Kongreso! Notu ke mi ricevas nenian profiton de aĉetoj.
Categories: Esperanto
Humphrey Tonkin ĉe nia loka grupo
Hieraŭ vespere, venis Humphrey Tonkin por renkonti nian lokan grupon. Ni kunvenis ĉe la domo de Julie Winberg kaj pasis agrablan vesperon en Esperantujo. Ni babilis dum kelkaj horoj pri multaj aferoj: pri kiel Humphrey lernis Esperanton, lia unua Esperanto kunveno en Parizo, la nuna furora diskuto ĉe la akademio (ĉu "nulo" estas pluralon aŭ ne), la lastatempa agado ĉe la NovJorka oficejo, la dismuntita skribmaŝino, la "rabitoj", la venonta Landa Kongreso, ktp.
Categories: Esperanto
Recent comments
5 weeks 17 hours ago
5 weeks 18 hours ago
12 weeks 23 hours ago
12 weeks 23 hours ago
23 weeks 2 days ago
23 weeks 6 days ago
23 weeks 6 days ago
26 weeks 2 hours ago
26 weeks 8 hours ago
26 weeks 12 hours ago